Mampihena tena araka ny sokajin-drà

karazan-tsakafo manokana sahaza ny sokajin-drà tsirairay. Tsara ho fantatra indrindra izany, raha te-hampihena tena. Nandrafitra ny sakafo mety sy ireo tokony hofadiana izy, miankina amin’ny sokajin-drà. Ireto avy izany :

Sokajy O

Raha maniry hampihena tena ny olona manana ity sokajin-drà ity dia ireto avy no tokony hofadiana : ny vokatra vita amin’ny ronono, ny kobam-barim-bazaha, ny katsaka, ny voasary, ny voatabia, ny baranjely, ny ovy, ny « lentilles » ary ny tsaramaso maina. Sakafo be proteina kosa no tokony homen’izy ireo vahana, toy ny hena mena sy ny trondro.

Sokajy A

Tokony hihinana legioma betsaka ny olona manana ity sokajin-drà ity, raha te hihena haingana. Mety aminy tsara koa ny voamaina. Tokony hofadiany kosa ny hena mena, ny ovy, ny saonjo, ny laisoa, ny voatabia ary ny voasary.

Sokajy B

Tokony hiovaova kosa ny sakafon’ny olona manana ity sokajin-drà ity. Ity vondrona ity irery no afaka ny mihinana vokatra vita amin’ny ronono matetika sy voasary. Tokony hofadiany kosa ny akoho, ny varim-bazaha ary ny katsaka.

Sokajy AB

Afaka misakafo miovaova koa ny olona manana ity sokajin-drà AB ity, fa ny tena tokony homeny vahana dia ny henan’ondry, ny henam-bitro ary ny henam-borontsiloza. Tokony tsy hihinana akoho sy voasary kosa izy ireo.

Nelly-Bri