Actualités

ANDRON’NY MANAM-BONINAHITRA Nandray anjara hatramin’ny vehivavy

Nankalazaina manerana ny Nosy omaly ny andron’ny manam-boninahitra na ny « journée des officiers » .

13-janv-2021

Toy ny fanao isan-taona dia ireo manam-boninahitra zandriny no manaitra vao maraina ireo manam-boninahitra zoky amin’ny alalan’ny hetsika toy ny poa-basy manerana ireo toby isan-karazany. Nandray anjara tamin’ny fankalazana ihany koa ny filoham-pirenena Andry Rajoelina izay filoha fara-tampon’ny foloalindahy, tao anatin’ny lanonana notanterahina teny amin’ny lapam-panjakana Iavoloha. Nandritra izany no nanamarihany ny maha-zava-dehibe ny firaisan-kina sy ny firahalahian’ny tafika. Nanamafy ny maha-modely faka tahaka ho an’ny firenena sy ny vahoaka an’ireo manam-boninahitra ihany koa ny filoha Rajoelina nandritra ny fankalazana ny andron’ny 12 janoary omaly. Nandray anjara tamin’ny hazakaza-pirahalahiana niaraka tamin’ireo manam-boninahitra ny filoham-pirenena taorian’izany. Na izany aza, nanamaloka ny andron’ny manam-boninahitra tamin’ity taona ity kosa, ny fodiamandrin’ny Lehiben’ny Etamazaoron’ny tafika an’habakabaka, ny Jeneraly Radonna Ellis Ratiarivelo, izay niseho ny 11 janoary lasa teo.

Ando

Dans la même rubrique

Anatihazo Isotry Faniry, 6 taona...naolan’ny zokiny tao an-trano

25-janv-2021

Tovovavikely vao 6 taona monja i Faniry. Ny asabotsy maraina teo, hatairana ny an’ny renibeny rehefa nahita ranon’aina teo amin’ny fandrian’ilay zaza.